bulleh sah بھلّے شاہ

Bulleh Sah

بھلّے شاہ

بلّھے شاہ کی پنجابی  شاعری میں اللہ سے گہرے تعلق کا اظہار نظر آتا ہے ان کے کالام میں وحدت کا پرچار ہے بلّھے شاہ کا کچھ کلام پیش ہے

روزے حج نماز نی مائے

مینوں پیا نے آن بھلائے

جاں پیادیا خبراں پائیاں

منطق نحو سبھے بُھل گئیاں

اُس الہد تار بجائے

روزے حج نماز نی مائے

مینوں پیا نے آن بھلائے

جاں پیا میرے گھر آیا

بھُلّی مینوں شرع وقایہ

ہر مظہر وچ اوہو پسدا

لوکاں خبر نہ کائے

روزے حج نماز نی مائے

مینوں پیا نے آن بھلائے

(بلھے شاہ)

رانجھا جو کھیڑا بن آیا

واہ سانگھی سانگ رچایا

اس جوگی دے تین کٹورے

بازراں وانگوں لیندے ڈورے

مُکھ ڈٹھیاں دُکھ جاسن جھورے

ایہناں اکھیاں لعل لکھایا

رانجھا جو کھیڑا بن آیا

واہ سانگھی سانگ رچایا

اس جوگی دی ایہہ نشانی

کن وچ مندراں گل وچ گانی

صورت اس دی یوسف ثانی

اس الفوں احد بنایا

واہ سانگھی سانگ رچایا

رانجھا جوگی تے میں جوگیانی

اس دی خاطر بھر ساں پانی

اینویں پچھلی عمر وہانی

اُس مینوں ہن بھرمایا

ارنجھا جوکھیڑا بن آیا

واہ سانگھی سانگ رچایا

بلّھا شوہ دی ایہہ گت پائے

بیت پرانی شور مچائے

ایہیہ گل کیکوں چھپے چھپائے

نی تخت ہزاریوں دھایا

رانجھا جو کھیڑا بن آیا

واہ سانگھی سانگ رچایا

(بلّھے شاہ)

اک الف پڑھو چھٹکارا ہے

ال الف دو تن چار ہوئے

پھر لکھ کرڑور ہزار ہوئے

پھر اتھوں باجھ شمار ہوئے

ہک الف دا نُکتہ پیارا ے

اک الف پڑھو چھٹکارا ہے

کیوں پرھائیں گڈ کتاباں دی

سر چائیں پنڈ عذاباں دی

کیوں ہویاں شکل جالادں دی

اک پینڈا مشکل بھاراہے

اک الف پڑھو چھٹکارا ہے

بن حافظ حفظ قرآن کریں

پڑھ پڑھ کے صاف زبان کریں

پر نعت وچ دھیان کریں

من پھردا جیوں ہلکاراہے

اک الف پڑھو چھٹکارا ہے

بلّھا بی بوڑھ دا بویا سی

اوہ برچھ  وڈا جا ہویا سی

جد برچھ اوہ فانی ہویا سی

پھر رہ گیا ہی اکاراہے

اک الف پڑھو چھٹکارا ہے

(بھلّے شاہ )  bulleh sah